خاطره حزينه **تتعب القلب والله** ...

كلمتني قبل زفافها بدقايق ...
كلمتني وأسمعتني صوتها
قبل زفتها بدقايق ..
قالت : حبيبي بودعك وبديك من وقتي دقايق ..
ودي أسمع صوتك حبيبي ..
ودي انسى كل شي ..
وابقى مع صوتك حبيبي ..
ما قويت انطق ولا اتكلم
ما عرفت بها الظروف وش اقول ..
كنت دايم أسمعها ضحكتي ..
كنت دايم أناوشها بلهفتي ..
واليوم جايتني تعذبني .. تسمعيني صوت الدفوف ..
قالت : حبيبي هذا صوت ام العريس ..
تنادي علي ..
وتقول : يالله تعالي ، عجلي ..
ودي حبيبي هاللحظة تطول ..
وأبقى مع صوتك دهور ..
وين راح الحكي مني ..؟؟
وين ألقى الحروف ..؟؟
قلت : ارحلي عني وإلحقي صوت الدفوف !!
واتركيني بوحدتي أنسج ابيات الحروف ..
يمكن ألاقي مع الوحدة صدى للي تقول ..
قفلت

ورحت وانا وحدي ويملي مسمعي صوت الدفوف ..
صوتها ..
بعثر أوراقي ..
وخلاني مع همي نطوف بين الشوارع والمداين ..
الحق بموكب عروس ..
قلت : يمكن تلتقي بها اللحظة العيون .. ونتحاكى مابين كل الخلق بعيون ودموع ..
للاسف ما كنت ادري إن قلبي بهاللحظة يحتضر ..
وكان الكفن صوتها والدفن موكب عروس ..
شلت قلبي وسط كفي .. ورحت أمشي ..
أدور مقبرة أدفنه فيها واستريح ..
شفت كوشتها منصوبة على أعلى الدرج ..
وإنجنيت ..
أحفر ..
وأدفن القلب الجريح ..
شفت في الحفرة .. قلبها دفون ..
وإنكتب وسط الحشا كلمتين :
( حبيبي : مستحيل يعيش في هالقلب غيرك ... مستحيييييييل !!!! )