الضيـقـه الـلـي دايـمــاً تـالــي عـصـيـر..لابن افطيس

هاذي من اجمل قصائد
الشاعر/محمد بن حمد بن افطيس المري
\
/
\
/
\
/
\
/
\
/
\
/
\
/
\
/
\
/
\
/
\
الضيـقـه الـلـي دايـمــاً تـالــي عـصـيـر
وش حـيـلـتــي واردّهــــــا لا تـجـيــنــي

لاطـال ظـل العـود حــزة عـشـى الطـيـر
كنـهـا عـلـى سـجــن الـحـديـد تحـديـنـي

يضيـق صـدري كـل مــا جــات واسـيـر
ولا يـخـفــف ســــوج رجــلــي حـنـيـنـي

لاحـولـنـا مـشــراف ولا اقـــدر اطــيــر
يالله قــســمـــة خـــيــــر لا تـبـتـلـيــنــي

وعقـارب الساعـه توقـف عـن السـيـر
ولاكــن فــي الـدوحـه سـواتـي حزيـنـي

والعـبـره الـلـي تـاصـل الحـلـق وتحـيـر
ياقـربـهـا لـــو قـيــل لـــي ( ياعـويـنـي)

امــل شـــوف الـنــاس وردّ ومـصـاديـر
والـلـي يـقـول اشـفـيـك كـنــه يهجـيـنـي

يعنـي علـى ماقـيـل مــن بــاب تصـويـر
(لاحــد ٍ ابــي قـربـه ولا احــد ٍ يبـيـنـي)

اروح ادوّر( خــط) مــا بــه( دواويـــر)
وادوّر الـــلــــي هـــادهــــا تــهــديــنــي

واخـذ مـع الهـاجـوس سبـحـه وتفكـيـر
واراجـــع الـلــي فـــات بـيـنـي وبـيـنــي

واحــسّـــب ذنـــوبـــي وادوّر لـتـكـفـيــر
وعـســاي مـاقـصـرت فــــي والـديـنــي

وعـسـاي ماقـارنـت مــن ينـفـخ الكـيـر
والـلـي يحـمـل المـسـك جعـلـه قـريـنـي

ويـطـري عـلـي يــوم الحـشـر واطـلــب
مجير ما اعطى كتابي في شقيقة يميني

ويطـري عـلـى صـدقـان كـثـر الدنانـيـر
الــلــي تـعـاديـنـي الــــى كــثــر ديــنــي

وراع الهـروج اللـي سـوات المناشيـر
اصــــد عــنــه وادري انـــــه يـعـنـيـنـي

الله حسيـبـه يـــوم عـــرض الـقـواريـر
والله حسـبـي مــن صــواب س مكيـنـي

والــى طـرالـي واحـــد ٍ كـانــه صـغـيـر
امــــا اصــغــر بـيـومـيـن ولا سـنـيـنـي

دريـــت وش قـومــي وعـيـنـت تفـسـيـر
للضيـقـه الـلـي مـــن زمـــن تعتـريـنـي

حـبـه بـصـدري سالـفـة ســر فــي بـيـر
وكـــن الـفــواد يــقــول هــــذا زبـيـنــي

اشفق علـى علـم ٍ يجـي منـه مـن غيـر
مايسـمـع الـلـي سولـفـوا بـــه ونـيـنـي

الـعـام اجيـهـم مــن حـسـاب المسايـيـر
والـيـوم حـــال عـــداي ويـنــه وويـنــي

ياكـثـرهـم غـيــره ولـكــن خـبــر خـيــر
ماغـيـر شـوفـه فــي الـوجـود يهنـيـنـي

رايــــي كــــذا ياعـاشـقـيـن الـغـنـاديــر
مـالـه عـلـى وجــه البسـيـطـه وزيـنــي

خـطـاي تعلـيـق الامــل فـــي المـدابـيـر
إلـيــن راح وشــفــت حــقــري بـعـيـنـي

صـبــر جـمـيـل وخـابــر انـهــا مـقـاديـر
والله عـلــى تخـفـيـف حـزنــي عـويـنـي

ذي حالتـي ليـن اتغبـا الشمـس واصيـر
معطـى صراحـي عقـب مـا انـا سجينـي

والـى امتـلا جـوف الشجـر بالعصافيـر
طـلـبــت مــــن رب الـعــبــاد يـهـديـنــي

يعتقـنـي الـمـذن عـقـب ضيـقـة عصـيـر
الـلـي عـلـى سـجـن الـفــراق تحـديـنـي

وسلامتك
وصح السان الشاعر
::::::
::::
::
:
اخوكم
همس الحب

مشكوور اخوي همووس

يعطيك ربي الف عاافيه

عـ المجهود الحلوو ..